邱傲然（Tiger）推出最新歌曲《Alright》MV。為了配合MV劇情，Tiger特地剪短頭髮，愛車如命的他更自肥，在MV中找來多架靚車亮相。Tiger在MV飾演一個失意打工仔，生活上有很多不如意事，在某個晚上發生了一些事情，令他突破了內心固有框框。
鍾情車的Tiger，在其作品中加入了一些罕見的汽車，他介紹道：「MV有幾架少見嘅車，其中包括俗稱『大發仔』嘅日本K Car，另外仲有斯文得嚟又有啲款嘅舊款保持捷，而我喺MV裏面揸嗰架主角，就係70年代嘅Corolla，而家仲保存到覺得好難得。其實呢架Corolla，係演唱會我執導嗰條短片裏面出現過，今次算係呼應返個自己嘅作品。」
除了有靚車外，更有燒車情節，Tiger為了拯救愛驅，更不理危險衝前撲火，險象環生，他表示：「我又冇好擔心，反而見識得多咗係最大感覺，同埋最擔心自己反應演得唔好要NG，因為放火好大陣仗，要Reset再演唔容易，再加上時間比較緊迫，所以希望儘量做到一個導演收貨嘅動作反應。」