Advertisement

Tiger感謝花姐幫忙碌盡人情卡 首部執導短片獲AK Lokman助陣

本地
2023.05.15
撰文:卡琳
whatsapp-image-2023-05-15-at-3-08-09-pm-6
加油Tiger!

MIRROR成員邱傲然(Tiger)最近獲鮮浪潮邀請拍攝開幕短片《是日精選》,這次是Tiger繼MIRROR《破鏡》MV後,再次擔任導演一職!

 

 

Tiger獲得這次擔任導演的機會,他坦言也不知因由,回想起只道:「我之前喺加拿大放假時收到花姐電話,一打嚟就係叫我拍片,而唔係問我拍唔拍,應該係因為喺鮮浪潮頒獎禮講咗幾句嘢。」接過電話後,Tiger在短短兩個月內,由零開始,度劇本、搵齊人開工拍攝,時間不長也不短,不過因為拍攝與車有關的故事,不但時間變得緊迫,難度也相對提高。Tiger說:「香港地拍嘢Budget有限,冇咁多空間失誤,各樣嘢都要好精準!」所以他邀請了《花姐ERROR遊》、《ERROR自肥企畫》的編劇麥可暉寫劇本,MIRROR兄弟楊樂文(Lokman)任副導演,怎料從長計議後,發現難有合適人選當男主角,Lokman隨即兩脇插刀肩負起男主角的重任!

 

Tiger表示在鏡頭後緊張又刺激:「第一個Shot第一個鏡頭就係Lokman同Ronald喺廁格動作戲,比起文戲,處理又多咗。除咗場口處理外,喺現場成隊crew咁多人,仲要雙機拍攝,已經比起我哋諗嘅鮮浪潮Project又再大咗,現場要控制咁多人去做一件事,溝通交流好緊要。」用到這個規模拍攝一條短片,Tiger透露要多謝擔任監製的花姐幫忙,並說:「班底係花姐幫手碌卡,搵到好多好好嘅Crew幫手做呢件事,以呢個空間、資源本來係好難做到呢個Scale嘅事,但好好彩,真係識人好過識字。」

whatsapp-image-2023-05-15-at-3-08-09-pm-3
Tiger讚AK做副導演跟得好足好細心。

換上Lokman當主角,江𤒹生(AK)即自薦做副導演,但Tiger笑言:「佢又貪玩、想玩,而且男仔一定鍾意車,又知道Lokman做男主角,又有其他演員一齊玩,一聽到呢個班底都心郁想嚟參與啦!不過AK做得好好,第一次做副導,佢都跟得好足好細心。」

MIRROR 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹