Advertisement

So Ching罕談阿Mo意外後心路歷程 人生大起大落好似發咗場夢

本地
2024.03.13
撰文:卡林

So Ching罕有亮相網上節目,大談阿Mo意外後心路歷程 !

【今日睇咗未?】馮素波宣布約滿離巢TVB 「相約下個舞台再續前緣」|So Ching罕談阿Mo意外後心路歷程 人生大起大落好似發咗場夢(13/03/2024)

蘇芷晴(So Ching)去年宣布退出女團COLLAR。退團將近1年,So Ching專心教跳舞班及照顧受傷男友李啟言(阿Mo)。近日她亮相網上頻道與主持人炮製暗黑料理外,還罕談這一年的感受。當主持問So Ching怎樣走過男友阿Mo受傷這段時間?她說:「主要真係時間,老土咁講時間會冲淡一切,以前我唔會信,我以前聽就會覺得:『你實係咁講㗎啦!』但我覺得base on呢件事,原來呢一句都真係幾套用到喺裏面。」

 

對於一些網民留言,主持問So Ching有沒有留意?她說:「老實講我從來都冇睇,除非真係彈到埋嚟,因為我冇開任何通知,冇乜必要我都唔會特別撳入去睇,有啲留言無論好定壞,都會觸發到我嘅情緒,但我想自己stable(穩定)啲,同埋我都唔識佢,咁佢真係唔係好識我。」

 

 

問到So Ching對於經歷人生大起大落,會否像發了場夢?她說:「我覺得你話發咗場夢,係好貼切,我覺得最大轉變,我個人慢番少少,我一直係好心急嘅人,唔係好諗嘢,簡單嚟講就係冇乜用腦,但去年年中之後開始,慢慢搵番自己生活節奏,知道自己係點樣生活先比較好。我覺得自己年紀,唔可以再嘥時間,如果真係鍾意嗰樣嘢,真係要花多啲時間喺嗰件事進步,以前睇嘢會好短視,𠵱家會長遠啲。」

 

相片來源:9BoThew 膠保廢@Instagram

星級企業大獎2020 陳卓賢 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹