鄭秀文（Sammi）今年喺紅館舉行13場嘅《Follow Mi》演唱會轉眼間已經係5個月前嘅事，對於歌迷嚟講，當日演唱會嘅精采片段，真係睇幾多次都唔會覺得厭，所以佢哋都好期待Sammi演唱會會出DVD俾佢哋番屋企重溫。直至今日，Sammi終於宣布演唱會DVD即將推出，仲叫大家密切留意呢個大日子。
睇番段片，片入面嘅Sammi打鼓真係打到好瘋狂，完全進入咗忘我嘅境界。
Sammi今年唱足13場演唱會之後，大部分時間都用嚟專心休息同去旅行，唔知係咪休息得太耐，又或者係知道歌迷掛住佢，佢今日係Instagram post咗段演唱會打鼓嘅精華片段，仲留言話自己最鍾意嘅樂器就係打鼓。另外，Sammi仲預告演唱會嘅DVD即將推出，至於幾時出就要繼續留意Sammi IG 同《明周》嘅報道喇。
圖片來源：鄭秀文@Instagram