完成了13場演唱會的鄭秀文（Sammi），早前透露自己會放個長假去旅行休息，近日她與許志安（安仔）已飛到英國度假兼搵好友雷頌德聚聚舊。雷太事後就upload咗張合照上社交網同大家分享，不過唔知係因為影相要就位定有人唔想出鏡，張相被剪走咗一忽，得番5個人。
其實早前已有網民分享在英國機場偶遇鄭秀文和許志安，仲影埋佢哋挽住手一齊行嘅相，一路有講有笑，而同行仲有張衛健夫妻。睇埋呢張相，就更可以確定Sammi而家真係人在英國，同埋已經原諒咗安仔。至於點解雷太要cut走佢哋合照後面嗰兩個人，同埋佢哋係邊個，相信真相都係得相入面呢7個人先知喇。
圖片來源：鄭秀文、李嘉欣、梁家玉@Instagram