區子琳（Paula）推出新歌《甩身》，她將其初戀經歷告知填詞人王樂儀，請對方為自己與Key Ng合寫的旋律上寫詞。歌曲Demo有Rap的部分，起初Paula想自己Rap，但看過《全民造星5》Taco的表演後，Paula甚為喜歡，便貿然邀請對方參與其中，負責Rap。合作過後，Paula興奮道：「記得第一次去佢Studio，佢已經俾份Rap詞我，嗰個版本同Final Version都有九成相近，而且帶咗首歌去另一個層次，好正！因為Rap部分好似同女方有對立面，但同樣地作為初戀男友角色，都一樣覺得分開咗真係好，雙方都有更加大嘅自由同快樂。」
首次與Hip Hop圈子以外的人合作的Taco，今次以自己的Rapper身份CotaBoii參與製作，也感到新鮮又順利。他道：「同Paula性格上都幾夾，做歌都幾順利同舒服，大概都Get到佢首歌想講乜，清楚角度，貼近去寫，用咗2、3日就寫好，寫自己嘢反而冇咁快。」
合作造歌後，二人也齊齊參與MV演出，Paula的角色造型由居家少女服變成暗黑成熟的打扮；Taco則扮演國際小混混，飾演負責幫Paula簽假護照的角色。Taco首次與別人合作拍MV，他笑言好新鮮：「我仲睇咗鄭中基嘅電影偷師，學對方啲犯罪表情，但都係好搞笑，最終要喺現場領略角色再自行發揮。」MV拍攝之時，正值農曆七月，但MV其中一幕Paula要用火燒自己的照片，問她可會驚驚？Paula此時被問到才一言驚醒，但她百無禁忌，更說：「冇諗過呢個問題，但都有用正面嘅心態去諗，因為我都係燒咗舊嘅東西，有一個新嘅自己呢！」