林溥來（Patrick Sir）在無綫播映中的劇集《白色強人2》飾演腦神經外科醫生阿Ben凌偉康，角色性格十分乞人憎，連佢自己都在社交平台講：「Ben愈睇愈衰仔。」
現實生活中的Patrick Sir當然唔似阿Ben，這位暖男爸爸不用開工時，經常陪15個月大的「洋蔥頭」囝囝林若嘉Preemo玩，愈大愈可愛的Preemo，既大膽，又大力。
日前，Patrick Sir上載了一條Preemo在家中花園耍棍（掃帚）的視頻到社交網，影片中，Preemo時而單手、時而雙手的握着比他高幾倍的掃帚揮舞，甚至高舉過頭，人仔細細，臂力不容小覷；Patrick Sir邊拍攝，邊為兒子「配樂」，哼出電影《黃飛鴻》主題曲《將軍令》，Preemo笑到咭咭聲。
Patrick Sir寫道：「雖然我只得15個月大，但係我啲棍法（掃法）一啲都唔失禮，俾你哋見識吓啦！#洋蔥頭Preemo #我哋個BB仔 #黃飛鴻上身。」洪永城看到影片，也搞笑留言：「下次見到佢要小心啦！」
影片來源：林溥來＠instagram