Nowhere Boys推出全新作品《我們的移動城堡》，更邀請了張達明、馮素波和蔡穎恩拍攝MV。
MV由鼓手Nate與蔡穎恩（Evelyn）擔任男、女主角，故事分開兩條主線，年老的達明哥，偶然在拾荒時執到結他與咪，音樂讓他快樂，令達明哥轉眼間變成年青的Nate，甚至反老還童，變成肥嘟嘟的小男孩；至於Evelyn，因為經常不快樂，令她瞬間變成馮素波，幸有童年版的Nate陪伴傳遞快樂，馮素波才得以變成活潑小女孩。
雖然只是MV拍攝，但對Evelyn來說，絕對是演技大考驗，她說：「因為故事講我一直好唔開心，所以衣著打扮係全藍色，我仲要好崩潰咁喊，但首歌我聽過，明明係好開心，但導演就用咗另一個手法去表達。」可能Evelyn演得實在太投入，剛到現場準備埋位的Nate，被她的舉動嚇了一跳，她說：「我幾驚你有事，仲諗住過嚟問候你，你真係演得好勁。」
至於客串的達明哥，笑言整天的拍攝，心境也變得年輕，他說：「我後生都鍾意夾Band，最緊要係佢哋創作好嘅歌、同埋有特色嘅故事，今次合作好愉快，見到佢哋現場夾Band，好投入，我感覺到自己後生咗十幾年。」