Advertisement

NCT DREAM多聲道冧粉絲 23歲仁俊獲歌迷唱生日歌慶祝

本地
2023.03.25

eor55315

韓國人氣男團NCT DREAM昨晚(24日)於亞博舉行一連兩場「THE DREAM SHOW 2 in HONG KONG」演唱會,第一次踏上香港舞台,NCT DREAM七子都表現興奮雀躍,一開場便以勁歌熱舞讓歌迷瘋狂尖叫。

七仔一口氣又跳又唱《Glitch Mode + Outro》、《Countdown (3, 2, 1)》、《Stronger》,之後用廣東話、韓文、英文跟香港歌迷打招呼,「大家好嗎?」、「我好掛住你地啊」、「好靚」,逗得現場歡呼聲此起後落,尖叫連連,接着三子再落力跳唱了多首大熱歌曲,現場歌迷時而尖叫,時而跟着大合唱,氣氛高漲。

為了今次香港演出,NCT DREAM每人也非常用心地學了不少廣東話及普通話跟歌迷溝通。到演唱會尾聲,七子再停下來跟大家聊天,辰樂跟現場觀眾傾談,又叫大家喊他的名字,全場萬多人馬上起哄一起大叫「辰樂」,讓他十分開心,然後一臉陶醉地說:「第一次在家鄉給大家表演,很激動很開心,大家玩得開心嗎?我玩得非常非常開心,跟大家一齊唱歌一齊跳舞一齊high,真的是非常幸福的事情,感謝大家從頭high到尾,也是因為大家,從只有一場演出變到現在兩場演出,感謝你們!」

楷燦接着問:「大家今晚開唔開心呀?我哋隔了一段時間先嚟到香港,我哋好想大家開心呀,大家覺得點啊?我相信下次我哋再嚟嘅時間會好快,首先多謝大家今日嘅蒞臨,我哋聽日嘅演出都會順利進行到嘅,我哋下次再見!」志晟說 :「首先呢,今日好多謝大家enjoy我哋嘅show。」然後又問大家:「大家聽日去邊度?有冇邊個聽日都嚟睇㗎?」聽到全場和應,他開心說,「聽日再嚟嘅fans要多多指教,今天很開心啊。」

渽民也跟大家打招呼,「大家好,我是羅渽民,你們又漂亮又可愛,我愛你!」相當識冧爆粉絲。在fans不停又大叫要求渽民表演撒嬌,他也有求必應做出多個撒嬌動作!電到粉絲暈低。他接着又說,「因為大家俾咗好多力量同動力我哋,今日演唱會稍後完結,希望大家返屋企嘅路安全回家,因為大家係最重要嘅,大家今日辛苦晒,大家今日都好靚呀。」Jeno就直言覺得非常開心,過去日子,是非常希望可以到香港跟歌迷見面:「唔好意思到而家先嚟到呢度,不過希望以後 多啲機會同大家見面,其實我哋之間遠又唔算遠,近又唔算近,希望我哋互相給到動力對方,你們真的很漂亮!謝謝!」

eor55635

前天是仁俊的23歲生日,全場歌迷在演唱會尾聲,一起唱了生日歌,令他開心又感動,「已經八年啦,終於嚟到香港開演唱會啦,終於可以跟大家見面,昨天正好是我生日,今天就能來到香港跟大家見面及開演唱會,我真的覺得今天非常的特別,真的很感謝大家這八年一直等着我們,我想之後我們會有更多的機會,多點來跟大家玩,非常非常感謝大家,我真的非常愛你們!」

Mark表示沒想到可以在香港開到兩場演唱會,又說:「你們的愛是特別的,你們不會忘記我們一直感謝你們。」

姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹