MIRROR成員盧瀚霆（Anson Lo）最近推出跳唱新歌《Mr. Stranger》，在MV中化身吸血鬼，戴着紅色隱形眼鏡，令他有不一樣的感覺，「上網搵過資料，吸血鬼嘅眼普遍係紅、黃或者白色，自己鍾意紅色多啲，亦同平時on stage戴嘅Con顏色唔同，不過呢一副比平時嘅Colour Con硬好多，似護目鏡，但為咗MV頂幾個鐘OK嘅。」
Anson Lo今次要挑戰與蛇合作，人生第一次跟蛇相處，他笑言摸牠的感覺跟想像中不一樣，不太滑，有如梳化或錢包的質感，亦不覺得危險，「不過要過心理關口，因為蛇嘅主人話佢第一次帶條蛇返屋企嘅時候被咬，心諗連主人都咬，我應該都走唔甩，但好彩佢好乖，辛苦晒蛇仔。」另外，他也要跟小妹妹對戲，上演一幕拯救她的戲分，「小妹妹好怕羞，但一off camera，佢會突然走上嚟攬住我。其實平時佢都盡量保持好高傲嘅姿態，但有時又忍唔住展現熱情嘅一面，好cute！而且佢都好落力，好盡力聽每個order與指示。」
Anson Lo在MV中有不少跳舞鏡頭，但這次穿着的服飾很貼身，其中一套更要戴腰封，令他不能吃太多，又擔心一個月後不知能否穿得下。