去年MIRROR 演唱會Alton棟篤笑技驚四座，成為團隊中食腦代表，今年機會落在三十歲dancer變MIRROR 的Frankie身上，含淚剖白隱形人如何練成 ，「MIRROR愈嚟愈好，隊友當然好好，愈嚟愈多嘢做 ，我自己喺屋企就望住四幅牆，等運到 ！再加埋疫情爆發，我窮到要問人借錢過生活，我愈嚟愈冇自信，開始收埋自己，點解我要嘥咁多時間，去擔心生活，不過我估唔到匿埋都可以影響到人，悲觀嘅樂觀係價值觀，亦成為咗我當時嘅價值觀，佢教識我點樣去度過呢個嘅低谷，苦中作樂。我見到拍劇呢條路有光，好似呢盞燈一樣好耀眼….喺今年我對自己有番希望。」
Frankie今年在劇集《I T狗》飾演「Never」，開拓了演員之路，「其實咩都有可能，我想大家同我一齊戒咗一個習慣，唔好相信自己做唔到！唔係要你叻、或要你做得好好，只係面對挑戰嗰陣，唔好先放棄咗自己，而係相信自己先，咁就咩都有可能，never say never。全隊MIRROR都值得俾其他人睇到，難得喺紅館，我相問大家借啲嘢，唔係借錢，而家錢唔使借，我想問大家借信。」贏得全場掌聲。
Edan個人表演環節，因鋼琴和咪都無聲演出受阻，令他多了一段時間和觀眾互動，他笑指十二場中只有今晚會出現這個狀況，所以十分難得，他與教主一齊彈琴獻唱《Apple pie》，二人相視微笑，阿牧田田合禮，觀眾大叫好sweet！
