人氣男團MIRROR今日（15日）出席電訊公司活動，12人現場表演《ASAP》以及《BOSS》，過百名「鏡粉」在場地外圍舉牌應援，場面非常墟冚！
今次代言MIRROR全員出動，Alton表示：「搵齊12個一齊代言係最珍貴。」Edan笑說：「酬勞一定貴過電話月費計劃。」有傳「人氣王」姜濤、Anson Lo、Ian及AK各人出騷價都是50萬，他們均說不知情，無論工作酬勞高與低都會做，AK稱最重要是代言產品夾到MIRROR形象，他又大爆其實今年都仍未出糧，又搞笑提議公司日後可於日程表上列明金額，就會一清二楚。
提到有否追看《全民造星IV》，Lokman指有收看，並感受到女學員散發出來的青春及活力，同時令他想起當年參賽心情。講到其中一位參賽者與何佩被指同Ian撞樣，Ian笑言未看節目：「但已經有好多朋友Tag咗我好多相，本人嚟講覺得唔似嘅，哈哈！」
而今年除夕跨年騷，無綫派出古巨基、李克勤、陳慧嫻、周慧敏等與他們打對台，Lokman說：「一齊倒數係開心事，之後可以互相睇番重播，互相支持！」早前無綫前高層余詠珊受訪時，指人生污點是低估了MIRROR，Lokman稱：「咁大件事咩？唔使咁大件事！睇多啲我哋，多啲支持增加點擊！多謝晒！冇事、冇事！唔使放喺心上面！」
