MIRROR原本舉行的12場紅館演唱會，卻因第4場發生嚴重意外而被逼取消，其中被巨型屏幕跌下壓傷的舞蹈員阿Mo，情況仍然危殆，有永久頸部以下癱瘓的可能，演藝界不少人都透過社交平台為他集氣祈禱。
在演唱會舉行前夕，MIRROR各成員已因舞台存在隱患，在社交平台發文表達不滿，經過今次的悲劇，邱士縉（Stanley）繼續表態，將IG頭像轉成黑色，並被網民發現他疑似取消關注所屬的經理人公司MakerVille的IG帳號，作出「反抗」。不過，Stanley很快便澄清「反抗」公司的揣測不實，在限時動態解畫，「有鑑於網上失實報道，抱歉為大家帶來誤會。現時最需要的是pray for Mo，希望大家不要在事件上增加其他猜測。」
另外，曾與ViuTV合作的王貽興，對於這次演唱會意外，在社交平台撰寫千字文，斥責ViuTV「岡顧安全、只求賺盡」，並疑似揭露ViuTV的內部黑幕，他說：「錢唔係咁賺，騷都唔應該咁做。唔識做就唔該搵返真正專業嘅人去做，而唔係急就章，用人唯親，私相授受，最後釀成今次不幸意外。令我哋徹夜難眠、傷心痛心嘅真正原因，其實，係我哋咁辛苦先至搵到啲值得欣賞支持嘅對象，同投入嘅事物，但點解？點解連最基本嘅享受娛樂都得唔到，香港人，連睇場紅館騷，都擔驚受怕過以前睇嗰啲驚險籌款慈善騷，望住鏡仔行嚟行去唱歌跳舞，仲驚過以前睇楊盼盼高空踩鋼線，點解？點解觀眾要做埋主辦單位做唔到，或者做唔好嘅嘢？今次呢件不幸意外，或者係一吓好哽耳嘅喪鐘，提醒我哋，如果繼續咁樣盲目支持嗰間電視台，其實係支持緊佢哋繼續用呢種模式去擴大，去發展，去榨乾榨盡旗下藝人，用最低成本，將藝人用最短視最慳皮嘅方式消費淨盡，佢哋係咪捱殘，情緒有冇問題，係咪身心疲累，仲會唔會再一次當眾暈低，無論係咪佢哋嘅粉絲，都冇人想再見到呢啲咁令人心痛心酸嘅情況發生。愈係喜愛呢一班年輕人，我哋就愈應該提供一個安全健康同合理嘅環境，俾佢哋繼續發光發熱，展現才華，至少，唔需要響表演過程擔驚受怕。又或者我哋又係時候問一問，其實‥‥‥公司同佢哋簽嘅合約，真正有幾多係落佢哋袋？會唔會最後得個做字，肥嘅都只係呢間是但求其，罔顧人命嘅公司？香港人，值得擁有更好嘅電視台；香港嘅演藝人員，亦值得擁有更好嘅平台。」
