Advertisement

MIRROR新團歌寓意像火箭奮力向上 姜濤靠演戲釋放做歌手壓力 盧瀚霆想集齊12子做舞台劇

本地
2024.01.03
撰文:卡林

whatsapp-image-2024-01-03-at-3-47-29-pm-21
《Rocketstars》展現12個人,一條心,像火箭一樣奮力向上。

【今日睇咗未?】MIRROR新團歌寓意像火箭奮力向上 姜濤靠演戲釋放做歌手壓力 Anson Lo想集齊12子做舞台劇|黃智雯離巢後宣布新動向 感激老公好姊妹支持俾意見(03/01/2024)

MIRROR於1月1日晚的《叱咤頒獎禮》上,隊長楊樂文(Lokman)曾表示2024年MIRROR 12子會為鏡粉做更加多作品。果然講得出做得到,MIRROR在新一年推出最新團歌《Rocketstars》,團歌展現12個人,一條心,像火箭一樣奮力向上。對於MIRROR的成長,Lokman表示:「每個人嘅性格,又或者作品嘅風格都愈嚟愈明顯同成熟,大家喺舞台上拿捏節奏同熟悉感快咗,唔同場館、唔同活動類型,好快手知道發生緊乜嘢事,好快融入其中。」

whatsapp-image-2024-01-03-at-3-47-29-pm-2
姜濤說表示嚟緊就係歌要唱好,舞要跳好,提醒自己唔好自滿。

對於未來的目標,眼前的當然是即將舉行的香港演唱會及World Tour,而成員們都有不同的分享。姜濤說:「對舞台感覺唔同咗,愈嚟愈覺得唔係咁簡單,入行愈耐就知道愈多嘢做得唔夠好,尤其開演唱會,認識到自己嘅不足。演戲比想像中好玩,令我放鬆,釋放喺歌手身份上所承受嘅壓力。嚟緊都係最基本、最基礎嘅嘢要做好,就係歌要唱好,舞要跳好,呢啲係我哋嘅基本功,突破係需要基本功支撐,提醒自己唔好自滿。」

盧瀚霆(Anson Lo)說:「如果唔係喺MIRROR出道,唔會想像到自己係一個演員,以前好驚而家好鍾意演。音樂上一直係跳唱,都冇諗過出慢歌,而家慢歌都有5,6隻,另外就係而家On Show冇咁緊張,只想享受嗰一刻想表達嘅Energy或者風格。嚟緊期待12個可以做舞台劇,未試過,如果可以喺舞台劇,對我哋嚟講,會係一個好大進步。」呂爵安(Edan)說:「經歷5年好多訓練嘅機會,喺舞台上點樣展現自己魅力更加有信心,同時亦慢慢掌握到,更加了解到乜嘢係表演。嚟緊希望每次工作可以參與更加多喺入面,唔係純粹做演員、主持,而係投入其中,例如MV,同導演交流諗法,條橋點行點做,後期剪接等等。」

柳應廷(Jer):「喺舞台上嘅感覺Firm咗,以前缺少舞台表演經驗,自己信心冇咁強,但表多咗,喺台上面自己會定咗、信心大咗。第6年好想Focus多啲音樂,或者每年開一個音樂會同fans見面,或者出一隻碟俾大家珍藏紀錄一下,希望做到一個大家都肯定自己嘅歌手,建立多啲里程碑。」陳卓賢(Ian):「五年前冇諗過會跳舞,唱團歌日積月累嘅經驗下,都出咗個人跳唱歌,曲詞編監都有做,涉獵多咗唔同嘅嘢。嚟緊會專注要做嘅嘢,喺不知不覺間就會達到目標。」李駿傑(Jeremy):「以前好冇信心,但係有11個兄弟喺隔離傍住我去成長,多咗舞台經驗,令自己更加可以喺台上散發自信,心態上好多嘢睇得開咗,從迷惘到享受,自己都開心咗。未來希望可以用自己嘅力量,令到唔識我嘅人,因為我嘅音樂鍾意咗我,鍾意MIRROR,透過我嘅影響力,令到更加多人鍾意MIRROR。」

陳卓賢 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹