Advertisement

Marf拍MV落水高空跳樣樣齊 迎接樂壇頒獎禮心情複雜

本地
2023.11.30
撰文:卡林
whatsapp-image-2023-11-30-at-2-29-10-pm-2
Marf推出年度第四首、亦是本年最後一首單飛歌曲《I’m Marf-elous 》

COLLAR成員邱彥筒(Marf)昨日(29日)推出年度第四首、亦是本年最後一首單飛歌曲《I’m Marf-elous 》,在新歌MV中,Marf除了要落水拍攝外,亦有不少武打動作場面。 新歌由湯令山作曲、監製,黃偉文填詞,Marf透露歌曲其實早於去年已做好,但一直尋找適合機會推出,而作為本年度總結的一首歌,Marf覺得最為合適,她表示:「經過一年嘅solo生活,及COLLAR嘅生活,用呢首歌總結呢一年係好適合,好鍾意內裏歌詞,『無論人類多可怕、多了不起,我一樣有一種美、一抹鋒利』、『 無論求生如何難,仍無損巡遊的好天氣 』」意旨無論發生任何事,都不會受到影響,會忠於自己,努力嘗試、努力前行。

提到新歌MV,Marf表示去年做好這首歌後,已覺得MV一定要有關於沙灘同海,所以今次有落水鏡頭,Marf說:「今次有落水,但臨拍攝前幾日,天氣開始轉涼,落水對自己嚟講係個新挑戰、一個好難忘同好特別嘅事情。」Marf笑言導演給予她不少新挑戰,除了落水,還有打鬥及動作場面,當中包括一幕由高空跳落一班朋友手中,感覺極之刺激,令她大呼「辛苦得來都好值得」!問到Marf對於本年度表現可感滿意?她說:「頗滿意,滿意並不是指成績,而是在歌曲上做到自己想做嘅方向,呈現到好多不同形象、觀感俾自己同大家睇,令大家見到我不停嘅改變同嘗試,作為一個創作者及藝人嚟講,係好健康嘅腦袋發掘。」

whatsapp-image-2023-11-30-at-2-29-10-pm-3

提到樂壇頒獎禮舉行在即,Marf形容自己心情複雜:「拍完呢個MV,感覺鬆一口氣,因為全年計劃已經完成,複雜心情,就係因為要為下年作準備,頒獎禮臨近,聽到外界有不同評論,亦有鼓勵說話及期望,其實期望係好可怕嘅事,我好驚令人失望,我會好好平衡自己心情,攞獎呢啲嘢,有當然會開心,因為會令對我有期望嘅人得到喜悅,但自己對獎項冇所謂,我對今年已感滿足。」

 

姜濤 MIRROR 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹