謝安琪（Kay）近日不時在社交網分享與家人的生活點滴，她今天上傳一對寶貝仔女張瞻（James）和「KaKaBall」張靖（Karina）的影片，並表示兩兄妹感情十分好，她笑說KaKaBall更經常模仿哥哥 ，相當搞笑。Kay寫道：「KaKaBall好愛哥哥，佢覺得哥哥好叻，好鍾意同哥哥玩，買乜嘢食乜嘢都要預哥哥一份，仲好鍾意模仿哥哥所有一舉一動。就係因為咁，通常哥哥同妹妹講咗啲『有趣嘅嘢』，第二朝早餐，我就會原原整整咁足本聽返。咁樣其實係有好處嘅，就係我好容易就可以知道，哥哥同妹妹講過啲乜嘢，但係亦都有唔好處嘅，就係有啲時候，妹妹似乎唔知道自己講緊啲乜嘢。不過，哥哥我信任你，我知道你好錫妹妹，你係一個好用心好溫柔嘅哥哥，要一直咁樣兩兄妹相親相愛，知道嗎？」
