MIRROR成員李駿傑（Jeremy）今日（2日）為8月音樂會出席記者會。會上有約100名「Unicorn」（粉絲暱稱）拿着應援物品到現場叫口號及送上鮮花。Jeremy指音樂會以「稜鏡」為主題，希望可折射自己不同的面貌。他更表示到時會有man爆的跳唱演出。
談到今年年頭收到花姐（黃慧君）通知能夠舉辦個人音樂會時，Jeremy表示覺得不知所措及驚訝，更一度以為花姐傳錯訊息：「我喎！得3首歌，所以即刻諗啲歌單點算呢？因為無諗過咁快開，唔知自己嘅演唱會係要點，嗰段時間不停聽音樂，睇吓有咩歌係啱音樂會同想唱嘅。」他更表示當時媽媽亦在旁，得知消息後，興奮表示：「嘩！你終於有啦，終於可以睇你個騷！」
Jeremy指雖然不會騷肌，不過都有認真做Gym，談到隊友阿Jer亦勤力做Gym，他笑言：「如果他喺7月除衫騷肌，我都可以即刻除，我諗佢應該除唔到，其實我預計佢唔會，所以才大膽咁講。」他表示，已完成《12怪盜》的戲分，除了拍攝團綜，未來兩個月都會主力為個人演唱會作準備。
