今日情人節，J2會派出一班女神輪流陪大家過一個「戀Love Love」情人節，包括J2ers倪嘉雯（Carmen）、陳若思（Amber）、胡敏芝（Karen）、林沚羿（Venus）、廖慧儀（Jessica）、陳欣茵（Sonya）、黃嘉雯（Carmaney）、胡美貽（Nicole）、何泳芍（Honey）、葉靖儀（Michelle）、伍韻婷（Juliana）同埋黃紫恩（Jojo），外援方面就有在《自然系女子旅行》表現亮眼嘅「暉哥」林映暉，及在《冲遊泰國》備受關注嘅「叉燒姐」鄺玲玲。
J2社交網於今日中午12時直至晚上10點，每小時都會上載由不同女神錄製的男友視角片段，一班靚女輪流大講肉麻情話，兼且各有特色，可愛、嬌嗲、活潑同文靜樣樣齊。嬌嗲可愛派代表有Amber、Carmen及Jessica，其中Carmen貫徹甜美女友腔：「我應該點樣叫你？傻豬？BB？」
除了J2ers，兩位外援亦各有特色，暉哥貫徹傻大姐本色，跳住出來說：「Hey，雖然我成日喺台灣陪唔到你，但我好想同你講，好掛住你好掛住你呀，你都要掛住我呀！」叉燒姐則化身貼心賢慧另一半謂：「知道你返工辛苦喇，今晚我煮嘢俾你食，好冇？」