盧慧敏（Amy）昨天（4日）29歲生日， Amy的模特兒公司老闆更為她精心策劃，聯同一班粉絲向她送大整蠱兼驚喜。Amy當天獲老闆通知要到影樓拍攝工作，並預先夾好Amy的粉絲團「小樹苗」到場送驚喜，粉絲一早抵達影樓佈置，亦預先預備了蛋糕，當Amy到場時看到影樓漆黑一片，感到疑惑之際，大家一躍而上！Amy收到大家心意，不禁眼濕濕有感而發：「多謝大家，平時好少可以同大家傾偈，好多謝大家成日都超級愛我同支持我，有好多時候做嘢唔係超級順利，當面對低潮位嘅時候我就會望吓你哋啲相，睇吓大家嘅留言，我就會覺得好好，都好想好似大家咁簡簡單單，大家嘅祝福我收到晒！我感覺大家真係衷心希望我好，我覺得自己超級幸福！」
Amy身為MIRROR成員Ian的女朋友，粉絲當然不放過機會，問她跟誰及如何度過生日，Amy則笑說：「我知你哋想問我咩嘅！哈哈……生日都會同屋企人一齊過！」
至於問到Amy的生日願望時，她表示：「唔講得㗎，講咗就唔靈，不過我好想講。其實而家都好唔容易，希望大家都愈嚟愈好、身體健康、開開心心！」