MIRROR成員陳卓賢（Ian）登上最新一期《明周》封面﹐作為乖乖仔，佢梗係有留番本俾媽媽睇啦。可能Ian唔想屋企人擔心，所以冇同媽媽講過自己最近喺訪問入面提及嘅經濟狀況。而佢媽媽一睇完訪問，就覺得好心痛，講講下仲眼濕濕。不過都唔使太自責嘅，因為講到尾，Ian唔同你哋講，都係唔想你哋太擔心啊。
Ian：「為免媽咪擔心，一早同佢打定底，叫佢唔好睇得咁仔細，拎個封面黎留下念就算。最後佢都係刨左好耐，睇完之後，媽咪話佢做阿媽，但原來我咁佢都唔知，覺得好心痛。我咪答佢：『唔捱下邊會成功？無事。』佢又繼續話係佢自己照顧唔周到，咁咁咁，我再答佢：『你已經將最好嘅野比哂我地幾個﹐點會唔周到？』講講下佢竟然眼濕濕，我見佢眼濕濕，我又想眼濕濕，好啦，唔講。其實有你做媽咪，就已經夠開心。」