Gin Lee開估He said yes迷團原來同呢位天王合作？

Gin Lee（李幸倪）最近完成《聲夢傳奇》導師工作後，又要繼續準備8月中嘅《聲夢傳奇》畢業演唱會嘅演出，早前佢突然喺IG出post話「He said YES」，令網民好奇係啲咩好消息。

Gin Lee 張學友

Gin Lee終於喺今日凌晨12點開估，出post晒佢同偶像嘅合照，原來個「He」係指張學友，Gin Lee邀請到歌神張學友合唱新歌《日出時讓街燈安睡》。《日出時讓街燈安睡》亦係Gin Lee今年出嘅第一首歌，佢形容今次合作感覺好奇妙，估唔到喺自己嘅歌唱生涯中，會有同張學友合唱嘅一日。喺自己心目中，佢嘅歌藝同堅持係專業嘅標準，亦係學習榜樣。Gin Lee表示迫不及待想同大家分享更多嘅故事，希望大家會鍾意佢嘅新歌，更興𡚒道「我與神最近距離的一次」。