ERROR隊長肥仔（梁業）最近勤於減肥，而且漸見成績，減肥的過程更讓他靈機一觸，創作出新歌《Jap Jap》，MV更特別找來大馬女神黃潔琪Miko、小薯茄童童及胡子彤參與演出。肥仔因節食和做運動減肥聯想到：「食嘢嘅『Jap Jap』聲，同打拳出拳嘅『Jap Jap』聲而構思出呢首新歌。」肥仔將其個構思告知作曲兼作詞人James Wu，James在資料搜集時無意中看到童童拍攝有關進食時Jap Jap聲的短片，結果就令這個企畫更具體更有畫面！歌詞方面亦寫出肥仔的想法，部份更是他的生活寫照。肥仔說：「歌詞裏面有幾句：天光要Jap Jap／叉燒包都俾我Dap Dap／堵塞心中的那Gap Gap，都好中Point！好正！」
由於歌曲其中一個靈感來源是打拳，所以肥仔化身拳手，在MV中與胡子彤進行拳賽，當中更有Miko擔任教練，童童則是他的師父。找來這個陣容組合，原來是有原因，Fatboy道：「胡子彤之前喺《黑貓》MV入面KO咗Poki，我今次喺MV KO返子彤，算係幫Poki報咗仇；至於Miko與童童的加入，就令畫面唔會得全男班咁悶。」
肥仔舞功了得，故他斷言拍動作戲一定難過拍跳舞歌：「因為拍動作戲時間好長，又驚穿崩、打得唔好睇，自己始終擅長跳舞，自然容易好多！」