Advertisement

Elevator|呂爵安升降機瞓身演出 家英哥小儀助陣MV

本地
2022.04.02

whatsapp-image-2022-04-02-at-1-20-22-am-2

去年以慢板情歌俘擄樂迷的MIRROR成員呂爵安(Edan),今年一改曲風,跳唱新作《Elevator》以輕鬆幽默的歌詞內容,大談在人生中遇上各樣事情時應放輕鬆的心態,而今次歌詞、MV以致舞蹈編排,都盡現Edan鬼馬的一面。

Edan首度挑戰的個人跳唱歌曲《Elevator》,他希望推出一首比較開心,同時又是跳唱的作品,送給樂迷,「相信大家等咗一段時間,同埋喺新一年都想嘗試新風格,加上自己鍾意跳唱,雖然唔叻,但都想有呢個嘗試。」

歌詞內容上,則是Edan與作詞人T-Rexx溝通後的成果,Edan說:「歌曲Demo本身就叫做《Elevator》,同T-Rexx溝通過好多次,試過好多唔同方向,都覺得冇任何字比『Elevator』更啱音,所以就一齊研究點樣以升降機,轉化成有意義嘅內容。」最終歌詞借升降機比喻人生中的重重關卡,Edan解構歌詞內容道:「好似等𨋢,你要等架𨋢到,先可以入𨋢,架𨋢唔到,又或者發生乜嘢意外、你喺架𨋢裡面但佢層層停、困𨋢,呢啲都好似我哋嘅人生,好多時都控制唔到,倒不如換個心情,大家唔好咁急,Easy啲,放輕鬆去對待你人生嘅每一件事。」

《Elevator》的歌詞內容很有故事性,令到MV也以這個走向發展:在開心的節奏下,畫面上呈現出熱鬧的氣氛,所以Edan不但扮鬼扮馬,一時做自己,一時變身保安員、Model,期間又要吊威吔在升降機內被揈來揈去,絕對瞓身演出。除此之外,今次MV也邀請了多位嘉賓客串,當中包括:Anson Lo & Jer@MIRROR飾演裝修工人、羅家英飾演的士司機、阮小儀飾演滿身血漬斑斑的新娘及《闔家辣》導演鄭晉軒(Coba)飾演的外賣仔。Edan說:「咁啱MV裡面有咁多角色需要搵人去演繹,其中家英哥同小儀好快就喺我腦海中彈咗出嚟,仲有Jer、Anson Lo同Coba,好開心嚟幫手參與,我相信本身有留意我嘅人或者我嘅粉絲(爵屎)都會對佢哋嘅參演感到興奮。」

阮小儀飾演滿身血漬斑斑的新娘
阮小儀飾演滿身血漬斑斑的新娘
Anson Lo & Jer@MIRROR飾演裝修工人
Anson Lo & Jer@MIRROR飾演裝修工人

今次首次單人匹馬演繹跳唱作品,沒有MIRROR一班好兄弟在身旁,Edan坦言都有感到孤單,但怯的感覺更見強烈,他說:「其實真係到咗自己一個去做跳唱,先發覺自己喺跳舞上好冇信心,驚自己跳得唔好。今次搵咗肥仔@ERROR排舞,佢喺我大學時已經係我跳舞老師,不嬲對佢排舞好有信心,因為識諗好多畫面嘢,佢諗嘅畫面可以填補我嘅不足,但排舞後先發現自己仲有好多動作做得唔夠好,所以琴晚(拍MV前一晚),肥仔都幫我加操咗一堂,今日其實跳舞部份好緊張,都擔心出嚟效果會唔會爭啲,但應該OK嘅。」話雖如此,當拍攝跳舞部份,第一個出錯的就是Edan,他隨即喊停,更搞笑道:「我呢啲叫以身試法,跳錯要即刻出聲,唔好嘥力。」

羅家英飾演的士司機
羅家英飾演的士司機

此外,被問到《Elevator》歌詞是否自己的寫照,Edan坦言對很多事情都順其自然,向來都抱有這心態,因為覺得這種價值觀好舒服,能夠自我安慰同時又夠positive(正面),所以很多時候都只想做好本份,但Edan也偷偷分享自己偶爾心急的一面,他說:「唱歌阿Sir成日話我好急,例如佢教我一個Exercise,我就會係咁做,我個人係鍾意用死力,死衝爛衝,但喺其他處事方面,我又唔係咁急嘅!」

 

星級企業大獎2020 陳卓賢 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹