MIRROR成員工作一浪接一浪，鏡仔呂爵安（Edan）邱士縉（Stanley）及王智德（Alton）近日忙於拍攝ViuTV新劇《i.SWIM》，不過近日氣溫驟降，他們仍要捱冷拍游水戲分。
Stanley在社交網上傳與隊員於片場的照片，相中見他們包着毛巾和手持熱飲取暖，他提醒大家天氣轉冷了，「大家著多件衫呀，大家放心啦，我哋唔會著多件衫㗎， 因為我哋已經同寒冷共存咗。我哋進化到啲水唔夠凍唔游㗎，講笑，15度點算好？我未諗到點面對。」Edan搞笑留言：「我們共赴冰泉。」
Edan昨巴貼出於《膠戰S2》的造型，他今次化身丐幫幫主「乞兒登」，戴了假髮及黐了假鬚，「其實我留鬚都幾有型呀，Call me James Har登。」Edan笑指自己像NBA超級巨星James Harden，他說：「講真，邊有咁靚仔嘅丐幫幫主㗎？我都知我唔似㗎啦﹗橫睇掂睇我都係做楊過啦﹗可惜比『煨sir』魏浚笙做咗，不過又真係好鬼靚仔嘅，要求下次我做楊過，jeffrey做隻鵰﹗」Jeffrey回應：「請你想我係細雕定大雕？」有粉絲表示Jeffrey跟得Edan多，開始學壞了，「阿煨學壞了」。
圖片來源：呂爵安、邱士縉@Instagram
