呂爵安（Edan）的個人演唱會將於8月尾舉行，為了有更好的體魄展現給「爵屎」（粉絲暱稱），他開始跑步操練體能。
今日凌晨，他在IG上載跑完步滴晒汗的片段，留言：「Crazy，我竟然走咗去跑步！真係唔知幾多年冇跑過步了，不嬲都好憎做體能嘢，但為咗可以有應付到演唱會嘅體力，只能逼自己做了！一路聽歌一路跑，又俾我諗到個爛gag。Edan成面鬚咁落去跑步，猜一物品……鬚刨（鬚跑）。」他更寫上無綫經典節目《千奇百趣》的台詞：「請俾趣！10個趣！」令該節目主持人之一的小儀留言：「請俾趣係我講㗎，做乜搶咗我喺隔離台句對白。」
雖然Edan的爛gag十分無厘頭，但一班「爵屎」照樣收貨，並說：「唔小心笑咗」、「又幾好笑喎」、「跑到爆晒汗勁型呀」、「我想要呢個鬚跑」、「見你為演唱會跑步練氣，呂爵安加油呀！」
相片來源：呂爵安@Instagram
