ERROR成員郭嘉駿（193）推出第3首個人單曲《越州公路193》，今次MV特意找來回復自由身的鄭裕玲（Do姐）客串。193新歌由謝安琪監製、張繼聰作曲、黃偉文填詞，唱出一個人移民外地，但靠聽廣東歌去支持自己尋夢的故事。193說道：「歌詞裏提及聽廣東歌，係比喻啲Fans一直支持我，一直聽廣東歌呢種堅持，先令我可以行到今日，甚至終於可以同Do姐拍嘢，知我咩料啦！」
為展現Do姐高貴的一面，193不但找專人設計Do姐在MV中的造型，再配以閃亮鑽飾，並出動私人古董車，將它改頭換面變成的士。看到193的種種心思，Do姐不諱言說：「我有理由相信你係暗戀我嘅，我無以為報喇！所以你問我可唔可以客串，我怕咗你喇，所以就客串了。」193問Do姐除了客串MV，還可不可以有更多的答謝，Do姐卻投訴193：「仲想點？我冇客串過MV，仲以為有好多對手戲，點知係冇乜，仲諗住測試下你嘅演技！」193即說：「你有冇睇《季前賽》，我直情係ViuTV黎耀祥，攞晒影帝嗰啲嚟㗎！」
這次Do姐客串MV，未有收取任何酬勞，只求拍得夠靚，193也認真表示不知能怎樣報答對方，Do姐便表示：「家家有求，第時有嘢要你幫忙，就搵你幫手。」193指就算為Do姐打掃屋企都可以，因為他聽說Do姐屋企很大，很想參觀一下，他表示：「最多約埋姜濤一齊嚟。姜濤而家整傷隻腳，我可以幫手推輪椅。」Do姐聽到即笑說：「好喎！無任歡迎，ERROR其他3個可以唔要了！」
