MIRROR成員陳卓賢（lan）今年先後推出了《留一天給你喘息》及《Got U》兩首甜蜜情歌，昨日（15日）再推出新歌《Distance》。新歌繼續由lan作曲、與T-Rexx聯合填詞，內容講述人與人之間的距離，最後學會沉默、收起情感去保護自己，MV亦全程Poker Face示人。Ian對自己要求很高，希望將最好的呈獻給歌迷，他說：「聽完覺得自己唱得唔好，仲有進步空間，vocal係同之前有啲唔同，唔知大家聽唔聽到，我自己真係幾鍾意，都希望大家鍾意。」
lan表示打造demo時已經決定好《Distance》的歌名，是講述一段關係的距離，他說：「是源自於一段關係曾經好close，演變到無以前咁好就會開始慢慢覺得有一段距離。距離如同封閉自己，曾經在一段關係、一件事上放了很多心思，用心去經營，付出許多，但結果不是理想中，彼此愈走愈遠會有不甘心，傷心失望會令你封閉自己，以免自己再受傷害。」所以，lan今次的MV演繹不會有太大情緒起伏，由開始接受傷心不懂反應，到強迫說服自己接受，Poker face會一直存在，像歌詞「撲克式的臉」喜怒不形於色，是一種保護自己的意識。
lan予人性格內斂、收埋自己的感覺，但他澄清不是一種自我保護意識，他說：「可能我俾大家誤會，無表情就係嬲或者唔開心，就好似大家俗稱嘅黑面，但其實唔係，真實嘅我成日都放空發呆，唔係有咩情緒，純休息狀態。」lan認為有些人外向、也有些人較内斂，内斂的人性格就可能收埋自己，好少將情緒掛在口邊，但這是他的性格亦不代表這就是負面。
自《Got U》與T-Rexx合作後，這次再找來他填詞，lan說：「上次《Got U》 合作好開心，所以直接問T-Rexx有無興趣一齊寫，因為一齊寫就傾咗好耐，大家都諗咗不同故事，然後一直修飾到現有版本。」不過原來現時發布的版本是重錄的，lan解釋之前睡覺、刷牙、沖涼，一直聽的都是demo版本，但在歌曲錄完再完成後期之後，他反而明顯聽少了，在認真反覆再多聽幾遍後，發現原來是自己問題，他說：「聽多幾次係覺得自己唱得唔好，所以喺度同啲合作單位致歉，始終麻煩到大家。但我諗法係一日未面世，仲有進步空間，一定要做過最好版本，今次vocal上大家可以留意吓，希望會俾大家家發現有所不同。」