女子組合Cookies於2002年出道，雖然現今組合已解散，但一班「餅碎」仍不時會相約聚會，昨晚（14日）鄧麗欣（Stephy）喺社文網分享與蒲茜兒（Serena）、陳素瑩（Gloria）、楊愛瑾（Miki）、區文詩（Angela）嘅合照，已為人母Serena更帶埋囡囡赴會。
Stephy留言話Cookies 「5餅」好耐無見，「感謝劇組突如其來的假期，讓我有時間出來跟大家相聚一刻，太難得的一個下午。大家都有一陣子沒有見了，而我覺得⋯⋯大家都沒什麼變化，keep得好好呀， Serena囡囡好可愛好乖乖。下次見面希望可以再齊人一點啦﹗」而未有現身嘅吳雨霏（Kary）搞笑留言：「點解後面個3個uncle都無變過嘅？」Stephy回應話：「 Serena個女叫佢地公公。」
Angela則貼出Cookies 嘅經典歌《Forever Friends》，懷愐同隊友共處嘅時刻；Miki亦回憶起昔日嘅時光：「原來一眨眼我們已經認識18年了﹗突然好懷念我們那一年的時光，我們的專用巴士，我們的宿舍，每天零晨五點起牀化妝整頭，每天不停的食，最後我肥了二十磅，這一年真的很特別。」
圖片來源：互聯網、鄧麗欣、吳雨霏、楊愛瑾、傅穎@Instagram