林芊妤（Coffee）同老公翟志榮婚後育有囝囝翟德彥（翟伯伯），一家三口相當幸福，Coffee不時在社交網貼家庭照。噚日，Coffee upload咗囝囝「破相」嘅片上IG，片入面見到伯伯係到照緊鏡，扁晒嘴咁望住自己塊面。到底整到伯伯「破相」嘅兇手係邊個呢？
原來兇手係伯伯爸爸，因為佢同伯伯玩得太high，爸爸指甲唔小心戒親佢塊面，令到佢「破相」。Coffee大爆囝囝自己入去照左起碼十次鏡，但係因為唔夠膽話爸爸，唯有「默默委屈」。Coffee仲話囝囝個樣係想喊但又喊唔出，「委屈嘅樣子加上可憐既背影」真係「陰公豬」，佢最後仲幫囝囝配音「大佬啊，我靠個樣搵食㗎嘛。」
圖片來源：林芊妤＠Instagram
