C君40歲生日打亂C太計劃　蠟燭插叉燒自嘲似拜神拜山

農夫的C君跟蔡卓妍（阿Sa）都是11月22日生日，他預先一日在社交網祝賀阿Sa，留言：「每年自己生日最重要做嘅嘢就係祝Sa姐生日快樂！一年又一年，健康又有錢。」

來到40歲正日生日，C君同C太黃天頤撐枱腳慶祝，C君留言話原本食漢堡餐，「想隨便啲，提醒自己做人都隨意啲」，但他突然改變主意去食日本拉麵，搞到C太「諗住好有儀式感買定兩支蠟燭使開佢再插落個burger度」，最終變了「插落叉燒度」，C君百無禁忌稱「似拜神又似拜山」，C太亦謂「好似拜神咁」，但都祝老公「年年都有今日啦」！