日前有位外傭姐姐拍片控訴僱主刻薄，網民笑指她有演藝細胞，該短片旋即在網上瘋傳，林盛斌（Bob）家中的工人姐姐亦拍片，模仿吐苦水的外傭，串爆Bob：「你係老細乜都啱哂。工人係人，唔係機械人呀！」說畢剛巧Bob在背後經過，即詢問發生咩事，嚇得工人姐姐立即呆了，更馬上收起電話扮無事，畫面很爆笑！
由於工人姐姐模仿得太神似，連Bob都忍不住留言：「有咩唔開心咪直接同我講囉！」由於Bob跟工人姐姐的五官輪廓甚為相似，Bob更開玩笑話：「佢係我阿妹嚟㗎，似唔似樣呀？」令不少網民都認同兩人十足餅印，更大讚工人姐姐演技好，可以加入TVB處境劇《愛·回家之開心速遞》，與飾演外傭Liza的姜麗文扮同鄉！
圖片來源：林盛斌、姜麗文@Instgram