Advertisement

Bob新節目勁催淚 剛強媽媽湊自閉兒感動人心

本地
2022.04.15
撰文:冼麗宜

06

昨晚由Bob林盛斌一手策劃及構思的新節目《360秒人生課堂》播映,不少網民都大讚節目正面,當中素人媽媽Stephenie的經歷,更令不少人感動流淚,身為專料醫生的她為照顧有自閉症的兒子顥之,特別辭掉工作,細心教導他學習所有技能及新事物,可惜努力並不等於一切:「佢好乖好聽話,每日做訓練都坐定定;可惜佢能力唔高,好多好簡單嘢都要慢慢教慢慢練。」顥之最終因學習能力問題遭醫生評估需入讀中度智障特殊學校,Stephenie坦言當刻恍如被判死刑:「我好失望,點解我哋咁努力,佢又咁乖咁聽話但都要嫌棄佢?嗰時我每日只要靜落嚟諗起個仔就會喊,感覺好似被人判咗死刑咁。」

本身壓力已近爆煲的Stephenie,有次帶兒子到某私人會所的兒童遊樂場玩耍時,結果兒子當眾大便惹起混亂。Stephenie坦言當時感覺無地自容,情緒更跌至谷底,幸好老公的一番話點醒了她:「我覺得一啲都唔醜,周圍嘅人應該讚我呢個爸爸可以處理咁尷尬嘅事情處理得咁好。就算你個仔依家係正常,第日大個都可以學壞,但顥之又乖又聽話,佢會留喺你身邊,陪住你一世。」被一言驚醒的Stephenie,自此有了不一樣的看法和人生:「有時就算我哋好努力,都未必改變到一啲事。但原來換個角度去睇,睇多啲好嘅地方,你會發現幸福原來一直都喺度。」

聲夢傳奇 陳卓賢 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹