Advertisement

Anson Lo新歌化身折翼天使 狂操背肌影靚相

本地
2024.01.11
撰文:卡林
whatsapp-image-2024-01-11-at-2-48-16-pm-1
Anson Lo在最新單曲《MY LIFE》化身折翼天使登場。

盧瀚霆(Anson Lo)最新單曲《MY LIFE》化身折翼天使登場,今次新歌找來周耀輝填詞,Anson Lo感到十分榮幸可以得到對方為歌曲加持,他說:「耀輝老師好擅長填一啲好有詩意畫面嘅詞,好中我心裏面嘅畫面,例如當中用咗折翼天使,講天使忠於自己,想保持善良,喺路途上會受傷,但都會勇敢走以後嘅路,都會堅持自己繼續去保持純真,同善待身邊嘅人。當中用咗好溫柔嘅字詞,但寫咗一啲好強大嘅意義落去。」

 

為了配合歌詞,今次在舞步設計都同樣很有畫面,Anson Lo說:「繼上次《Nah》後再同Beep老師合作,起初我同佢講想喺舞步上面有一種飄逸嘅感覺,結果Beep老師設計出好似成班天使起舞嘅舞步,中間仲砌咗幾隻翼出嚟,表達天使嘅翼,Powerful之餘都好似天使飛緊翅膀展翅嘅感覺,我好鍾意啲舞步!」

whatsapp-image-2024-01-11-at-2-48-16-pm

除了歌詞與舞步互相配合,Anson Lo更為單曲封面狂操背肌,他說:「我為咗呢張相操背,出嚟都幾滿意,睇相自己都Wow!辛苦係值得嘅,影之前係有不停提自己唔好偷懶狂做Gym。」又要拍MV、做Gym,再加上排練MIRROR演唱會,Anson Lo坦言自己都感覺累了,他說:「排緊演唱會,又準備自己新歌MV,體能上係有啲攰嘅,我好少承認自己攰,但近排真係好攰,特別係雙腳,之前都有喺社交媒體透露自己雙腳好痛,但我都迫自己唔好偷懶,尤其一啲必要做嘅行程,例如學唱歌,呢個係我堅持要做,因為我唔想自己退步。」踏入2024年,Anson Lo透露早已有出歌大計,他說:「2024年我會以跳唱為主,今年會比上年出更多跳唱歌,因為好想試多啲唔同跳舞風格。希望大家期待我嘅作品。2024年會係好忙嘅一年,因為會同MIRROR做演唱會同巡迴,希望體能上會應付到!」

姜濤 星級企業大獎2020 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹