Advertisement

Anson Lo再邀錄合唱歌 陳慧琳狂Loop《深閨》做準備

本地
2024.06.12
撰文:花高
陳慧琳與 Anson Lo再度合作。
陳慧琳與 Anson Lo再度合作。

盧瀚霆(Anson Lo)繼去年邀請陳慧琳(Kelly)擔任其個唱表演嘉賓後,最近再次邀請Kelly灌錄《深閨 feat. KELLY CHEN 陳慧琳》,來一次正式合作,Anson Lo開心道:「上次同Kelly合作係喺舞台上面,邀請佢做表演嘉賓,今次係Official合作,邀請佢Featuring我首歌。一直好欣賞同敬佩Kelly,跳唱皆能,係香港一個Icon,能夠邀請到合唱,自己覺得係好勁嘅事。」

由舞台走到錄音室。
由舞台走到錄音室。

至於Kelly近年都與不同歌手合作,她坦言都想跟新生代歌手合作:「有日忽然間收到Anson嘅邀請,想搵我合唱,而且可以幾個鐘就搞掂,幾好,所以Why Not?同埋之前合作好愉快,不過冇諗過同佢合作係唱慢歌,我諗住一定係快歌啦!但咁都好,我為咗呢個合唱版,我起碼聽咗100次《深閨》,啲View數有一半係我㗎!」Kelly又謂聽着Anson Lo的演繹,感受到他唱慢歌的深情度又提高了,感情拿捏得非常好;Anson Lo聽到Kelly的嘉許,也感到萬分興奮。

Kelly話起碼聽咗100次《深閨》。
Kelly話起碼聽咗100次《深閨》。

Kelly對上一次與男歌手合作錄歌,已是2014年為電影《盜馬記》主題曲《不如今晚》與梁家輝及鄭伊健合作。Kelly坦言今次合唱版很有意思,因為各人都有不同Character,所以每次感受與唱法亦有不同,至於Anson Lo則指每次跟前輩合作都會有壓力,他說:「Kelly又唱得,錄音又快,而新版本不論歌詞Melody都唔一樣,我同Kelly係以Harmony形式對唱,所以我嘅Range要再高啲,係一個挑戰。」

Anson Lo獲嘉迕好開心。
Anson Lo獲嘉迕好開心。

經過今次再度合作,二人都感到意猶未盡,期盼日後再度合唱,不過Kelly強調:「唔好再唱我啲歌,佢嗰啲新啲好玩啲。」Anson Lo隨即想到新點子,提議道:「如果再合作,我哋要俾啲驚喜大家,唔好唱大家嘅歌,直接出一首新嘅型嘢出嚟唱,唱快歌!」

期等再次合作。
期等再次合作。
MIRROR 星級企業大獎2020 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹