江𤒹生（AK）最新推出的單曲，是一首日文合唱歌《白愛》！今次與AK合唱的是日本歌手高瀨統也，更特意為AK度身訂造作品。在今年與陳卓賢及陳蕾合作的拉闊音樂會中，AK與陳蕾合唱了日文歌《どうして》，選這歌全因一次機緣巧合，在音樂會舉行之前，AK還未選定合唱的日文歌，剛巧在揸車時，Playlist就隨機播出高瀨的歌，AK一聽愛上，推介給陳蕾，對方亦十分喜歡，於是就在音樂會上演繹了這首歌。怎料音樂會之後，有人在社交平台Tag了高瀨，對方亦高度讚賞，更轉載了演出片段，AK亦因此與高瀨在IG 認識，AK道：「之後高瀨問我，可唔可以為我寫隻歌，我聽到，就梗係覺得好啦！結果就促成今次合作。」
兩位男生合作，卻創作出一首慘情情歌，AK解釋道：「《どうして》都係少少慘嘅情歌，當時想繼續往呢個方向去創作，再加上高瀨問我想唔想一齊合唱，於是就成就咗今次嘅合作。」對於今次度身訂造為AK寫歌，高瀨表示：「能夠為AK創作佢嘅首支日文歌，實在感到十分榮幸！多謝佢俾咗咁寶貴嘅機會我。」高瀨更透露合作後對AK的感覺，他說：「我哋6月開始灌錄新歌，當時AK嚟咗我屋企，係我哋初次見面。AK是我認識嘅朋友之中，最喜歡同人互動交流嘅人。離開屋企之後，我仲帶咗佢去附近我好鍾意嘅居酒屋呢！」MV方面，今次AK與高瀨都未有參與其中，但二人卻構思了一個與新歌一樣的傷感愛情故事。AK說：「同高瀨傾歌曲內容嘅時候，講到其實愛情除咗男女之外，都可以有唔同形式出現，所以就諗不如MV以BL情節表達歌曲故事。」
AK熱愛日本文化，但他其實不諳日語，所以今次錄音全靠死背，他說：「我本身唔熟悉日文呢個語言，所以今次錄音只有硬記，未必明白意思，拉闊之前係想認真了解呢個語言，搵咗個日文老師學日文，不過我日文能力一啲都唔高，因為只係上咗幾堂。」對於這次推出日文歌，AK可有想過藉此打開日本市場？他笑言：「冇諗到咁遠，希望可以透過呢首歌，吸引到日本聽眾認識我。首次同高瀨合作，希望除咗香港樂迷鍾意之外，日本嘅朋友聽到我唱日文，都會鍾意。」