Advertisement

60歲苑瓊丹被冊封「公主」 「玻璃大王」老公都要下跪請安

本地
2024.01.29
撰文:孜卓芹
苑瓊丹「升呢」做公主有晒證書。
苑瓊丹「升呢」做公主有晒證書。
【今日睇咗未?】60歲苑瓊丹被冊封「公主」 「玻璃大王」老公都要下跪請安|林峯相隔8年密謀紅館開騷 盼與同門張天賦陳蕾合作(29/01/2024)

60歲苑瓊丹曾在周星馳電影《唐伯虎點秋香》演石榴姐深受觀眾喜愛,近日她向大家宣布因為平時都會幫下人,唔覺意被人提名做公主,而今次頒發的機構是菲律賓政府,獲冊封為「穆斯林公主」,所有穆斯林國家都要尊稱她做「公主」,更笑言要其「玻璃大王」富商老公下跪請安:「大家叫我做『石榴公主』我都高興嘅,如果去馬來西亞,申請埋老公做埋拿督,機場可以行紅地毯添!正所謂人一世物一世,試吓做公主都唔錯,我真名叫苑麗瓊,英文字係『King』嘛,根本就係皇族嚟嘅,所以買頂皇冠獎勵自己。」

富商老公都要同石榴公主下跪請安。
富商老公都要同石榴公主下跪請安。

早前傳出苑仔「息影」,現在更「升呢」做公主,但她說根本沒想過退休。仍然很喜歡工作的她說:「我唔係『息影』,只係唔拍住!因為嚟緊龍年好忙碌,要內地做直播之餘,仲想將呢個產業帶返嚟香港,有時間想開個講健康嘅頻道添。」

苑仔話唔係息影。
苑仔話唔係息影。

講到新年願望,苑仔笑言收山不會爆製「小公主」,專心照顧家中十多隻小狗:「依家有十幾隻狗仔,雖然我成日四圍走,但唔會搬佢哋返內地喇,因為香港有兩個工人照顧佢,我返嚟就由公主變返做奴才追住幫佢哋『執金』。」

只係暫時唔拍戲住。
只係暫時唔拍戲住。
MIRROR 聲夢傳奇 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹