袁偉豪（Ben）今日41歲生日，太太張寶兒、胡定欣、好兄弟陳山聰、單立文與胡蓓蔚為他慶生。
胡蓓蔚在社交網分享了慶生視頻，片段中，袁偉豪笑得很開心，胡定欣和張寶兒忙着捕捉男主⻆的喜悅神情，胡蓓蔚寫道：「生日歌梗係要打孖唱㗎啦！@benontheroad 身體健康 心想事成 事業再創高峰 越嚟越靚仔 快啲做爸爸。」
壽星仔阿Ben回覆：「福利會萬歳！」
乜嘢係「福利會」？睇吓陳山聰點講喇！他在社交平台分享了與袁偉豪和單立文的合照，留言：「兄弟我哋識於微時，大家都經歷咗好多高低起跌，直到我哋組成crazyrunner同將軍澳街坊福利會，無論係事業上同人生，都各自找到方向，今日你又賺咗一歲，我祝你事業更上一層樓、幸福快樂、快啲幫Jaco搵個飯腳。」陳山聰叫阿Ben幫仔仔Jaco搵飯腳，即係催佢早日做爸爸喇。「Happy birthday @benontheroad。至於我哋後面果位村長，叫佢返愛回家得㗎喇。」