【明報專訊】鄧兆尊與梁烈唯昨日出席《失業皇帝2017》 開鏡拜神儀式。已有8年沒拍電影的鄧兆尊說﹕「又唔係好耐，都無好緊張，不過幾攰。（酬勞如何？）OK啦，無同佢拗，我想試吓現在拍戲跟以前有何不同。」有報道指兆尊放售價值4.8億的4萬呎西貢地皮？他笑說﹕「食泥唔會飽，磚頭咬唔到入口，那些是虛浮東西，無用！」問他那幅地皮是否成功出售？他稱由弟弟兆榮處理，有進展會向他說，除非弟弟要挾帶私逃。他表示向來不理這些，弟弟好大壓力，做揸數人身分好尷尬！
「祥嫂德高望重 唔好打搞佢」
至於與祥嫂有否聯絡？兆尊笑說﹕「祥嫂德高望重，當然等佢打畀我，點知佢邊日好心情，我實會聽佢電話，唔好打搞佢。（祥嫂計劃在港興建祥哥紀念館？）佢講過好多次，在順德已做咗，幾靚。（你們會否捐出祥哥珍藏？）有什麼珍藏，喺晒祥嫂度！（會否去撐場？）講撐場定踩場，我唔敢講，無乜所謂！（喜歡踩場定撐場？）踩就唔好，踩咗會有好多後遺症，撐啦！」
唯唯真唔知「雁鄭戀」
梁烈唯也有留意鄭俊弘與何雁詩手拖手認愛一事。是否拍拖連你也呃？「唔可以話呃，佢無講我又無問。（唱片公司老闆都唔知？）哈哈，是真唔知定假唔知，我就真唔知。」
記者﹕梁榮達