王君馨（Grace）接受商台《星光背後》節目訪問，為第一首英文歌曲《LIGHT IT UP》宣傳，Grace自小夢想做跳唱歌手，16歲時有機會簽約台灣HIM華研音樂，以女團出道做飛輪海的師妹，最後因友情及承諾放棄，直至6年前遇上鍾舒漫，重燃她內心跳唱夢的一團火。
Grace這次斥資六位數投資新歌《LIGHT IT UP》的MV拍攝，表示最大的滿足感來自觀眾願意欣賞自己唱跳，「其實我做音樂最大嘅動力係可以鼓勵到身邊嘅人勇敢去追夢。」她自幼習舞，早在美國唸高中時與兩同學組過一隊女子嘻哈組合「SEVEN XPRESS」，更以組合名義於當地辦過慈善演唱會。她亦透露曾有機會簽約台灣HIM華研音樂，一嘗跳唱歌手夢，卻因為與拍檔的一個承諾而拒絕了邀請，「我哋三個女仔去台灣面試之前，承諾過大家要一齊去一齊返，但對方只係想簽我一個，所以就turn down咗。」
Grace曾簽約星夢兩年做歌手，但對唱劇集歌的滿足感不大，她說：「似唱緊人哋嘅故事，我想自己嘅歌有自己嘅故事或訊息。」2020年，她轉型成為獨立歌手，首次與鍾舒漫合作的歌曲《隱形》，成為重燃自己跳唱夢的契機：「雖然我喺音樂路嚟講算係比較遲，但我驚我四十歲未必有勇氣去做呢樣嘢。」此外，Grace亦曾獲老公Daniel鼓勵追夢而放棄置業：「樓可以遲啲買！但夢過咗就過咗，我唔想自己後悔！」
Grace三年前以獨立歌手G.Racie身分推出的處女作《Casada》，曾成為叱咤樂壇流行榜專業推介第二位，亦差點為為ViuTV Chill Club推介榜的冠軍歌，但礙於身份未能道謝：「我記得嗰陣佢哋想俾Number 1我，但因為個身份仲喺舊公司，我唔可以say thank you。」她又承認被禁，無法現身當年有資格候選生力軍的叱咤頒獎禮。
現年37歲的Grace結婚快6年，因為追夢而將生小朋友的計劃暫緩，「我唔想有一日望住仔女，對佢哋講我為咗佢哋所以無追夢！」她希望有個心理準備，將目前的工作完成，才全心全意地做一個負責任的母親，「我同老公都想要小朋友，所以其實大家都會有少少壓力！」
