Advertisement

有個閨密叫祖藍|計劃30歲結婚 炎明熹自爆曾做聲夢獨家村

本地
2022.09.19
撰文:Rita
Gigi坦承參賽《聲夢》初期不合群。
Gigi坦承參賽《聲夢》初期不合群。

炎明熹(Gigi)作客昨晚播出的無綫節目《有個閨密叫祖藍》,自言在學校有兩名要好的「閨密」,除了會協助她上網課,又不時會與她分享心事及為其打氣。Gigi透露早與家人商量好理想結婚年齡為30歲,並透露理想對象要像多啦A夢。

Gigi家人商量好理想結婚年齡為30歲。
Gigi家人商量好理想結婚年齡為30歲。

談到與After Class成員姚焯菲(Chantel)、鍾柔美(Yumi)及詹天文(Windy)關係,Gigi對三人讚不絕口:「Chantel比較成熟,有時做訪問或者要做抉擇,對我嚟講都比較困難,但佢竟然可以分析俾你聽,一句一句咁,令我覺得好有道理;Yumi就非常活潑,係氣氛擔當;Windy就搞怪啲。」

Gigi大讚After Class成員。
Gigi大讚After Class成員。

Gigi又慶幸首屆聲夢學員都不是爭勝心強的人,但直認參賽初期完全融入不到其他學員之中:「大家圍埋一齊傾偈,我就坐埋一邊,我比較怕羞同慢熱,有時我要諗到傾咩我先想講,否則停咗喺度我會好尷尬。」不過現在她會主動跟人傾談,並坦言:「應該嗰時未知道點樣同大家溝通得良好啲,或者驚自己將話題終結。我覺得自己成日都九唔搭八,有時我聽唔明人哋某啲用語,我會俾咗反應先,然後就偷偷地喺屋企查番個term係咩意思。」祖藍聞言即勉勵Gigi:「其實你唔使怕話俾人聽『我唔明』。」

曾經是聲夢獨家村的Gigi ,現在已懂得主動跟人傾談。
曾經是聲夢獨家村的Gigi ,現在已懂得主動跟人傾談。
姜濤 星級企業大獎2020 MIRROR
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹