樂易玲出席新片開鏡，表示信心挽留傳離巢的唐詩詠。
樂易玲為電影《無間一戰》擔任監製，今天出席開鏡儀式的她，就唐詩詠早前傳出離巢，她表示詩詠仍在外遊，大家有保持聯絡，並有信心挽留詩詠。她說：「我覺得佢唔會離開我哋，我一定會搵一個適合佢、令佢舒服嘅方式。呢幾年佢的確比較辛苦，佢都想多啲時間陪屋企，放鬆啲去做，我哋等佢返香港再傾。」
唐詩詠仍休息外遊享受假期。
對詩詠被指擬專心做舞台劇，樂易玲卻謂暫未收到任何舞台劇邀請，但若題材適合，檔期配合到都有可能。至於詩詠是否都想投放多點時間，尋找真命天子？樂易玲爆料說：「詩詠好多人追求㗎，知道發展一段友誼，都需要時間，但呢個唔係主要原因，佢主要都係想休息下，調養身體。」
詩詠的確唔憂冇人追。
