吳幸美之前在聲演真人騷《好聲好戲2》表現獲激讚，聲演《棟篤神探》「女長人」及《智能愛人》「阿寶」，被指蔡少芬及李佳芯上，但來到昨晚播出的第三回合，竟稍為失手，只取得10盞綠燈，導師鳳英姐指其演出不如練習表現好。
找來《東張西望》好拍檔Patrick Sir（林溥來）聲演《踩過界II》醉酒一夜情戲的幸美，為了還原劇中「癲姐」蔡思貝的哨牙腔，特意找來牙醫倒模假哨牙牙套日夜練習。不過去到正式演出依然「差咁啲」，翟耀輝：「有少少甩嘴」，曾秀清：「我（俾分時）諗咗一陣，有少少唔到位」，龍天生：「第一句有少少聽唔清楚」，梁少霞：「飲醉酒唔夠嗰種感覺，仲可以再多啲。」
至於之前慘烈捧蛋的樊亦敏，這次戴上「冬菇」假髮上陣，邀來有「音樂情人」之稱的鄭子誠助陣聲演《花花世界花家姐》。經過導師天生哥訓練的樊亦敏，一開聲猶如脫胎換骨，不但完美還原「花家姐」腔口及神韻，更將劇中「痛苦求分手」的一幕戲演得相當真摯感人，與片中的佘詩曼合二為一，最終順利獲得11盞綠燈滿分。
之前曾對樊亦敏演出感失望的文偉鴻，這次大大力給予正評：「我信你做得到，今次你真係證明到俾大家睇！」翟耀輝：「同阿佘嘅神髓好吻合，好淋漓盡致咁表現晒出嚟。」至於以靚聲馳名的子誠亦獲力讚神助攻，汪明荃（阿姐）：「兩個簡直係天衣無縫，子誠把聲我一向都鍾意，佢今次真係似林峯呀！」梁少霞則笑指子誠「真係有陰謀」：「就係想今晚贏囉。」
昨晚一集還有黃嘉樂夥拍好友許家傑聲演泰國BL神劇《只因我們天生一對》，上兩個回合成績麻麻的嘉樂，今回再度失準甩嘴，最終只獲4盞綠燈，並連環被批「冇戀愛感覺」、「唔夠投入」、「唔夠青春」。嘉樂眼濕濕激動承認自己「天分唔夠」兼「唔夠勤力」，曾與嘉樂合作《無考不成冤家》的阿姐，即安慰對方謂：「你今日有勇氣講出嚟已經係好大嘅進步，繼續加油！」而最後一位挑戰者黃智賢，今晚將聯同好友蔣祖蔓聲演《My盛Lady》，屆時更會揭曉次輪出線者誰屬。
