由古天樂擔任總監製和主演的香港首部科幻巨製《明日戰記》，在港澳票房已衝破5,000萬，電影大獲好評，連前香港特區財政司司長曾俊華與家人也揚言要撐老友，入戲院支持。曾俊華在社交平台分享多張與古天樂的合照，並寫道：「睇到香港可以拍出一套場面咁浩大震撼嘅科幻片，睇到香港電影界仍然有人敢當追夢嘅冒險家，實在有一種莫明奇妙嘅感動。」他還笑稱曾太看畢電影後變成了古太，同時又標示電影中的對白，「個天可以灰，個地可以灰。我哋唔可以。」
曾俊華又留言：「《明日戰記》可以話係古仔從影以來嘔心瀝血之作，投資4.5億，是香港電影史上最昂貴製作，由籌備到拍攝長達十年，單是後期製作都用咗4年。在香港，電影嘅題材亦都是史無前例嘅，以未來2055年為背景，講述地球因為污染，四周都是會致命嘅有毒空氣，人類只能活在巨型天幕下逆境求存，提醒我哋要珍惜現有一切，不要不斷破壞地球環境。」
他指自己還在政府工作的時候，就已經認識古仔，曾俊華盛讚老友一向好熱心社會公益，卻不要求成為鎂光燈焦點，「經常在背後默默地為社會做事。認識古仔愈久，你就會知道他是一個好有義氣嘅好人，尤其在香港電影業最低迷嘅時候，他出錢出力幫助電影業發展，是好值得大家尊重。《明日戰記》以香港首套大型科幻片來說，即使有啲細節不完美，但絶對可接受，如果冇人敢踏出第一步，就唔會有下一步，唔會有拓展新領域嘅可能。正如電影裡面一句對白所講：『個結局係點，由我哋自己決定。』」
另外，曾俊華又分享英女王離世的感受：「在中秋節前夕，傳來英女王伊利沙伯二世逝世嘅消息，我相信對於不少香港人來說，英女王都係一個集體回憶。還記得她在21歲生日那年，即在登基前5年，發表咗人生其中一個最重要嘅演講，她向國民發表誓言，指自己無論生命短暫或漫長，都將會為英聯邦全體人民、為國家鞠躬盡瘁，奉獻一生。我相信她已用一生，完完全全履行咗呢個承諾。英女王八十年代訪港期間，我就冇機會接待佢，但女王跟我有一個十分『緊密』的聯繫——同月同日生，所以細個喺香港讀書嘅時候，每年生日都可以因為係英女王壽辰而放假，有這樣一份與生俱來嘅緣份吧。」
