由郭偉亮（Eric）、方力申，以及J2ers陳欣茵及胡美貽主持的《鋪鋪Poker》，今晚（3日）播出最新一集，主角為Eric Poker之友蘇永康（蘇康），並邀來有「香港撲克教父」之稱的Ricky擔任派牌專員，分享Poker小知識。
蘇康與Eric一碰頭，即大爆對方是馳名「Poker翻身王」：「得番二百蚊碼都可以翻到身，佢試過好多次，我就笈手A都可以輸。」蘇康自言耐性欠奉，不太適宜玩Poker：「我連打邊爐都冇心機，啲雲吞成日生嘅就食咗落口。」蘇康除了冇耐性，更坦言輸唔起：「輸幾百蚊都冇乜事幹嘅，輸幾千蚊我會好嬲怒，但我買件一千蚊衫完全冇問題喎。」方力申隨即踢爆：「嗰啲仲要著喺底，得個領邊。」
蘇康於2017年做爸爸，自認是一位嚴父，在教小朋友方面早已與太太約法三章，就是大家不會在對方「教仔」時插手。蘇康又提到囝囝愛模仿他說話，小方聞言即被嚇得目瞪口呆，並追問：「你句句都有粗口㗎喎？我入咗行之後，圈入面講粗口最好聽嘅就係阿公。」之後現場即起哄要求蘇康即席顯身手，場面熱鬧。
