張敬軒、鄭欣宜和陳蕾今天（1日）出席品牌宣傳活動。軒仔透露完成今天的工作後便會閉關：「呢一Round疫情令到Shooting暫停咗，突然間多咗幾日假期，就好好梳理一下自己成個人，演唱會之後都馬不停蹄，冇放過假，而家又冇得飛，所以放吓自己假，去吓大自然、寫吓嘢，希望放完呢幾日假，自己嘅Song of The Year（年度之歌）就有着落。」
軒仔日前在社交網上載工作室的照片，對於地下一堆凌亂的喇叭線，他笑言見到反而有快感，更感到自癒：「我會以順番佢為好似一個療癒咁，因為嗰段時間唔使同人講嘢，係一個好好自己獨處嘅時間，喺Studio做嘢係最接近真實自己嘅階段，如果唔開心或者間歇性失落，公司啲人知道喺Studio一定搵到我。」
