「金牌經理人」黃柏高（Paco）去年開始發現身體有問題，做了手術已康復，近年深居簡出專注調理身體，甚少露面的Paco，亮相為張沅薇、可宜、鄭啟泰主持的網上平台健康資訊節目《醫師Talk》擔任嘉賓，分享近況及健康秘訣。
精神飽滿的Paco，透露近日以養生為主，他說：「最緊要有命先，原來我仲生存到喎，咁先有機會（做其他工作）。」回首過去，Paco認為忙碌令他忽略健康，暴飲暴食作風亦是他身體出警號的主因，他表示：「唔知道有朝一日自己要停落嚟，到病咗先知道，真係原來會死，過程真係好辛苦，要真正經歷過，然後先明白要愛惜身體。」
Paco透露養生秘訣有兩樣，一是要有充足睡眠，二是生命之源便是飲水，他謂：「以前我嘅生命之水係威士忌，依家係飲水，我嘅養生格言係飲多啲水、瞓多啲覺。」自言以前醉醒多過瞓醒的Paco，表示過往不時有人勸他改掉壞習慣，但他只當作耳邊風，不過經歷過今次病患，令他明白健康的重要，他指：「瞓醒又可以enjoy新嘅一日，好難得。」問到Paco可有食補充品調理身子？他笑說：「以前我係以唔好嘅態度去執行食呢啲補充品，double人哋嘅份量，人哋話食一粒，自己就食三粒，以為可以增強，但其實係over咗，適量就好。」
