昨晚（12日）播出《痞子殿下》第十集，萬眾期待的「夢一場」終於開張，老闆娘無雙（Mayanne麥美恩飾）率領「絕代八嬌」紅硃（梁雯蔚飾）、綠綾（陳詩欣飾）、藍紗（波波黃婧靈 飾）、紫蘿（杜穎珊飾）、白凝（陳欣茵飾）、碧澄（林可悅飾）、青絲（呂靜文飾）及粉黛（李芷晴飾）大曬冷，無雙與「絕代八嬌」的造型有別一般古裝劇，一眾靚女盡騷修長美腿。Mayanne登場方式十分搶鏡，吊威吔飛出場仙氣十足！「絕代八嬌」亦不讓Mayanne專美，除了造型亮麗亦多才多藝，表演跳唱《真真假假》，娛樂性爆燈！
談到今次造型比較「涼爽」，Mayanne透露：「因為要狂露腿，所以身形瘦削啲會好睇啲，開拍之前都有狂做運動同埋節食。同埋我要好小心保護雙腳，好驚整花腳令到造型冇咁搶眼！」Mayanne提到吊威吔出場，笑言其實壓力頗大：「現場有幾十個演員睇住我出場，唔夠膽NG太多，好彩我做咗幾次導演就收貨，最感動係現場所有演員為我拍掌歡呼！」Mayanne首次拍打戲，開拍前一個月便開始上堂練習，「師傅好好咁度身訂造咗一啲招數俾我，顯得我打起嚟一有種美態。」Mayanne日前在社交網上載練習打戲的片段，見她非常認真地與師傅對打過招，表現專業。
「絕代八嬌」之一的波波為了該場歌舞戲齊齊練習了三天，因而拍攝過程相當順利，她坦言今次表演難度頗高：「雖然平時都有表演開跳舞，但今次要用埋真聲去唱歌。」波波覺我集合八個女仔一同拍攝十分開心：「我哋八個喺埋一齊就會係咁傾偈同食嘢，監製一嗌放宵夜，我哋八個就會一支箭咁衝過去，好似一個移動美食團體。」
