李思捷主持的無綫遊戲節目《思家大戰》第二季，第二集嘉賓請來黃美棋率領的「哈比女團」隊，成員有鄺潔楹（Judy）、「波波」黃婧靈、「瑜伽女神」杜穎珊（Sandy）及陳欣茵（Sonya），而另一組是吳偉豪（Ricco）父親吳大強率領的「各位觀眾吳條煙」隊，成員有Ricco及其大哥吳偉諾、二哥吳偉言、細佬吳偉傑。
節目開始時吳爸爸大爆原來今次參賽，是他親自上網報名。因為吳爸爸是《Family Feud》忠實粉絲，更足足追看了40多年。Ricco身為TVB同事，竟然要勞動爸爸自己填Form才「被報名」參加，難怪遭思捷直指「好唔識Do」！吳家4位公子高大靚仔，思捷亦趁機向吳爸爸取經，向他試探生靚仔的「準備功夫」，怕羞仔上身的Ricco聽到爸爸大方分享秘技時，更一度傻笑！
而該集最被爭論問題為「冇搭飛機咁耐，最掛住飛機上嘅咩？」Judy搶答「機長廣播」，思捷說：「咁貴買張機票聽段廣播，我講俾你聽咪得囉。」然後「Captain Lee」上身以Sexy English「廣播」，冧得一班囡囡瘋狂尖叫，思捷更大口氣說：「如果Judy中嘅，我俾一皮你！」場面爆笑。
