Advertisement

聲夢傳奇2|文佐匡零自信有放棄念頭 泳兒苦勸後脫胎換骨?

本地
2022.08.06
496

08

今晚(6日)播出的《聲夢傳奇2》,是集亮點落在文佐匡(Sean)身上,他曾赴韓國做練習生,這次選唱《Ice Ice Baby》,雖然其舞功及外型不俗,但原來零自信,綵排期間多次洩氣想放棄,令導師泳兒大感頭痛,需要苦苦相勸:「Everyone is Special!你唔好再諗其他人啦,唔好去比較,唔好覺得自己愈嚟愈差。」

最終泳兒點醒了Sean,他在台上又Rap,連跳帶唱,每個肢體動作及眼神都充滿自信,令泳兒忍不住感動爆喊:「同Sean每次WhatsApp或見面,佢都係問下一個係咪Foul我,我就覺得點解呢個男仔咁冇信心呢?佢覺得自己好多嘢唔夠人哋好,所以我好希望你對自己有信心,知唔知呀衰仔?!」當Sean表演完即由野性變馴服,聽完泳兒的話馬上淚流滿面,場面感人。

另外,兩大熱門黃洛妍(Janees)、XiX的Kiele及Caitlin二重唱組亦在最後衝刺階段,盡情地「我超越我」!Janees挑戰性感跳唱《Lady Marmalade》,由於本身四肢不協調,加上排練時間緊逼,雖有「聲夢魔王」之稱,正式上台前卻忍不住喊驚:「我超級緊張,我好想出嚟效果好睇同好靚!」

27

至於由Kiele及Caitlin組成的二重唱組,選唱歌曲《If I Ain’t Got You》是Kiele去年參加《聲夢Junior》滑鐵盧之作,為了展示「邊度跌低、邊度爬番起身」的決心,Kiele與Caitlin在「爸爸」Eric Kwok帶領下,到著名音樂人杜自持老師家中拜師學藝,獲杜老師拍手兼大讚有顯著進步。最後,XiX二重唱組獲得現場評審不少正評,就連向來要求高的伍仲衡也讚口不絕:「你哋拍埋咗後Blend到好似一把聲咁,Unbelievable!」

星級企業大獎2020 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹