王祖藍主持的綜藝節目《有個閨密叫祖藍》前晚（31/07）首播，頭炮嘉賓是相識逾16載的蔡少芬（Ada），自然大談她與老公張晉相處之道。「撒嬌妻」Ada投訴老公是「直男」不懂表達愛，曾因老公不解溫柔的說了「老夫老妻」四個字，她不開心得邊落妝邊落淚，老公知她不開心，問她所為何事？她坦言很傷心，大家一起才四、五年就老夫老妻，以後怎辦？老公即擁抱她並致歉，第二朝又拖她手仔又錫她，她也忍不住問老公：「點解我咁快樂嘅？」
Ada又憶述當年張晉憑《一代宗師》榮獲金像獎最佳男配角一刻，她在台下遭張家輝取笑「嘩！乜你喊成咁！」之餘，原來入場前既驚且喜的Ada與張晉在紅地氈上亦有甜蜜小插曲：「我老公話：『老婆我哋好好享受，唔知有幾多次可以咁做』，所以我哋行（紅地氈）嗰時係跳住行㗎。」自言與老公「硬碰硬」的Ada，坦認拍拖時因思想較負面、每次吵架都會講分手，直到張晉有次出「殺手鐧」成功治好Ada的「分手病」：「佢話你再講多一次，我就送你走。隔咗幾日我哋又嗌交，我又話要走，佢就幫我執行李送我走。跟住我心諗噚日仲係拖住手，今日佢企喺前面拖住個篋。然後我啲眼淚就一路流，張晉呢個時候就擰過嚟問我：『以後仲敢唔敢』，好Man㗎佢，我就話『我唔敢喇』。」
節目尾聲，祖藍將原本的「閨密任務」變成「小學雞」級別挑戰，就是與Ada分別以文字及語音找張晉，看他先回哪一個。結果張晉秒回祖藍後再視像Ada，慘敗的Ada只能「扮嬲」猛問老公「點解」？為了挽回面子，Ada要求張晉在祖藍及觀眾面前說「我愛你」，令「直男」張晉好掙扎、但最後仍靦腆道出：「我愛你呀，我唔愛你唔會同你一齊啦！」
